Ushkat, neni ka papeikushteshiti tshika uitenan iapashtakaniti meshinaitshenanuti. Kutunnu ashu peik^u kie ma peikunnu ashu peik^u (11) itatina neni kapapeikushteshiti. Uet ishinikateti, peikushteshua neni.

a e i u h k m n p s t

Neni kapapeikushteshiti meshinaitshenanuti apashtakanua. Peik^u kapapeikushtesht takuan, iapashtakanit aiminanuti, anitshenat pessamiunnuat mak pekuakamiunnuat apashtauat eimitaui, eukuan ne l.

Eukuan ishi-utinakanipan aimun ushkat etusseshtakanit innu-aimun peikutau tshetshi mashinataikanit.

Neni kapapeikushteshiti a e i u ishinikatakanua : kauashkamuesht (voyelle).

Ek^u neni kapapeikushteshiti h k m n p s t ishinikatakanua : kananapeushtet (consonne).

Tan eshinikatakaniti tshekuana tekuaki anite innu-aimunit

Anite tshitaimunnat, mishta-mitshena aituna (verbes). Takuana ashit neni ishinikatamuna (noms) mak ishinikashuna (noms propres). Iapit takuana neni ka apishashiti aimuna, eshinikateti aimunissa (adverbes, prépositions, conjonctions).

Apu takuaki tshitaimunnat neni ka ishinikateti féminin mak masculin muk^utshuitenan aimun eshinakuak : ka inniuimakak aimun (animé) mak eka ka inniuimakak aimun (inanimé).